لاہور(نیوز رپورٹر) ڈاکٹر اے کیو خان ہسپتال ٹرسٹ کے بانی ٹرسٹی وجنرل سیکرٹری ڈاکٹر شوکت بابر ورک نے کہا ہے کہ ڈاکٹر اے کیو خان ہسپتال ٹرسٹ اپنے ڈونرز کا سپاس گزار ہے۔ ڈونرز کی مالی اعانت ہمارے پاس مستحقین کی امانت ہے جوان کی صحت اورادویات پرصرف کی جا تی ہے۔ ڈاکٹر اے کیو خان ہسپتال ٹرسٹ کے چیئرمین حاجی قیصرامین بٹ اورٹرسٹیز اپنے وعدے وفاکررہے ہیں۔ ڈاکٹر اے کیو خان ہسپتال ٹرسٹ کوایک مثالی فلاحی ادارہ بنانے کاخواب ضرورشرمندہ تعبیر ہوگا۔ اپنے ایک بیان میں ڈاکٹر شوکت بابر ورک نے مزید کہا کہ ہوشربا مہنگائی اوربیروزگاری نے ناداروں و بیماروں کی زندگی مزید دشوار بنادی۔مفلس اورضروریات زندگی سے محروم خاندانوں میں اجتماعی خودکشی کے اندوہناک اوردلخراش واقعات سے چشم پوشی نہیں کی جاسکتی۔