محمدسلیم ساگر نے بطور ایگزیکٹو ڈائریکٹر الحمراء عہدے کا چارج سنبھال لیا

لاہور(کلچرل رپورٹر) الحمراء آرٹس کونسل لاہور کے نئے ایگزیکٹو ڈائریکٹر محمدسلیم ساگر نے عہدے کا چارج سنبھال لیا۔اس موقع پر الحمراء کے افسران اور ملازمین نے محمدسلیم ساگر کے ساتھ ملاقات کی اور انہیں عہدہ سنبھالنے پر مبارکباد پیش کی۔ایگزیکٹو ڈائریکٹر الحمراء محمد سلیم ساگر نے نیک تمنائوں کا اظہار کرنے والوں کا شکریہ ادا کرتے ہوئے کہا کہ فن اور فنکار کی خدمت میری ترجیحات میں شامل ہے۔الحمراء آرٹس کونسل لاہور زبان وادب اور فن وثقافت کے میدان میں ایک مثالی ادارہ ہے اور ہم بہترین سماجی ومعاشرتی مفاد میں کام کریں گے۔