60ڈسٹرکٹ زونل کرکٹ ایسوسی ایشنز انتخابات مکمل،لاہور ریجن کا شیڈول جاری

اسلام آباد(سپورٹس ڈیسک) پاکستان کرکٹ بورڈ(پی سی بی )میں جمہوری عمل کی بحالی آخری مرحلے میں داخل ہوگئی۔6ریجنز کے ساتھ لاہور سمیت ملک کی 60ڈسٹرکٹ زونل کرکٹ ایسوسی ایشنز کا انتخابی عمل مکمل ہوگیا۔ اسلام آباد، راولپنڈی، لاڑکانہ، بہاولپور، حیدرآباد اور پشاور ریجن میں انتخابی عمل مکمل ہوگیا۔شکیل شیخ اسلام آباد، میر سلمان تالپور حیدرآباد، طارق سرور بہاولپور ریجن کے صدر کامیاب قرار پائے ہیں۔ لالہ تنویر لاڑکانہ ریجن جبکہ گل زادہ پشاور ریجن کے صدر منتخب ہوگئے،لاہور ریجن کا انتخابی شیڈول بھی جاری کردیا گیا،لاہور ریجن کے انتخابات 11اپریل کو ایل سی سی اے گرائونڈ پرہوں گے،لاہور ریجن میں خواجہ ندیم احمد کوواضح برتری حاصل ہے،لاہور ریجن کی جنرل کونسل کے 9میں سے 8اراکین خواجہ ندیم گروپ سے ہیں۔