کراچی: عید سے قبل دہشت گردی کا منصوبہ بنانے والے 2 تخریب کار گرفتار 

کراچی (نوائے وقت رپورٹ) محکمہ انسداد دہشت گردی کے ترجمان نے بتایا کہ پولیس نے مشکوک سرگرمیوں کی اطلاع پر کراچی کے علاقے منگھو پیر میں چھاپہ مارا اور میر علی شاہ اور سلمان شاہ نامی دو دہشت گردوں کو گرفتار کر لیا۔ انہوں نے بتایا کہ چھاپے کے دوران پولیس نے ملزمان کے قبضے سے ڈائنامائٹ کے تخریبی مواتد کے ساتھ ساتھ ایک تیس بور کی پستول بھی برآمد کر لی ہے۔ پولیس حکام نے بتایا کہ ملزمان عیدالفطر سے قبل کراچی میں دہشت گردی کی منصوبہ بندی کر رہے تھے۔ گرفتار ملزمان میں سے ایک کو محکمہ انسداد دہشت گردی نے ماضی میں بھی مشتبہ سرگرمیوں پر گرفتار کر کے جیل بھیج دیا تھا۔