مردان: گھریلو ناچاقی ،سفاک شوہر نے بیوی کو قتل کر کے باتھ روم میں دفن کردیا

مردان میں گھریلو ناچاقی پر سفاک شوہر نے بیوی کو قتل کرکے گھر کے زیرِتعمیر باتھ روم میں دفن کردیا۔پولیس نے بتایا کہ یہ واقعہ مردان کے تھانہ صدر کی حدود میںپیش آیا ہے ۔ قاتل شوہر نے سسرال فون کرکے بیوی کے گھر سے بھاگ جانے کا ڈراما رچایا،سسر کی رپورٹ پر پولیس نے پانچ دن بعد گھر کے زیرِتعمیر باتھ روم سے لاش برآمد کرلی۔ لاش کے برآمد کیے جانے سے پہلے شوہر موقع سے فرار ہوگیا، پولیس نے اس کے دو بھائیوں کو گرفتار کرلیا، ملزم کی گرفتاری کے لیے چھاپے مارے جارہے ہیں،شادی پانچ سال قبل ہوئی تھی۔ دونوں کی تین سالہ بیٹی ہے، مقتولہ سوات کی رہائشی تھی، گھر میں اکثر ناچاقی رہتی تھی۔