بہاولنگر(نمائندہ نوائے وقت)آئی جی پنجاب کی جانب سے ڈسٹرکٹ جیل بہاولنگر سمیت پنجاب بھر کی جیلوں کے باہر سیکورٹی انتظامات سخت کرنے کی ہدایت ۔ڈی پی او بہاولنگر اطہر اسماعیل نے ڈسٹرکٹ جیل ایریا کا معائنہ کرتے ہوئے جیل سپرٹینڈنٹ کی نشاندہی پر سیکورٹی کیلئے پولیس فورس تعینات کردی۔ ڈی پی او اطہراسماعیل نے سپر ئیڈنٹ جیل مصطفیٰ شمیم سے کہا کہ وہ جیل بانڈوی کو محفوظ کرنے کیلئے شرقی دیوار کی تعمیر کو یقینی بنائیں۔ انہوں نے میڈیا سے گفتگوکرتے ہوئے کہا کہ پولیس کی جانب سے ڈسٹرکٹ جیل کی بانڈری کو محفوظ بنانے کیلئے نہ صرف پولیس دستے تعینات کیے گئے ہیں بلکہ ایس ایچ او اورایس ڈی پی او خود وقفے وقفے سے سیکورٹی انتظامات کا جائزہ لیں گے۔