دبئی (این این آئی) آئرلینڈ اور انگلینڈ کیخلاف سیریز اور ورلڈ ٹی 20کوالیفائرز میں پاکستان ویمنز ٹیم کی شاندار کارکردگی کے بعد پلیئرز کی رینکنگ میں بھی بہتری آئی ہے، باﺅلرز میں سعدیہ یوسف ٹاپ 10میں آگئیں۔ ٹی 20رینکنگ میں ٹاپ 20باﺅلرز میں پاکستان کی 3کھلاڑی شامل ہیں ۔سب سے نمایاں مقام سعدیہ یوسف کا ہے جو پانچویں پوزیشن پر پہنچ گئیں۔ دیگر کھلاڑیوں میں ندا ڈار گیارہویں اور کپتان ثناءمیر چودہویں پوزیشن پر ہیں۔ آل راﺅنڈرز میں پاکستان کی بسمہ معروف کا چھٹا رینک ہے جبکہ ثنا ءمیر دسویں پوزیشن پر ہیں۔