نئے موضوعات پر فلمیں بنائی جائیں تو فلم انڈسٹری بھی ترقی یافتہ ہو سکتی ہے: میگھا

لاہور (آئی این پی) اداکارہ میگھانے کہا ہے کہ تھیٹر کے عروج اور ترقی میں لاہور سے وابستہ پروڈیوسرز کا بہت اہم کردار ہے‘ تھیٹر ترقی یافتہ ہے اور ہمیشہ رہے گا‘ نئے موضوعات پر فلمیں بنائی جائیں تو فلم انڈسٹری بھی ترقی یافتہ ہو سکتی ہے۔ ایک تقریب کے دوران گفتگو کرتے ہوئے میگھانے کہا کہ ہماری دعا ہے کہ فلمی صنعت کی طرح تھیٹر کبھی زوال پذیر نہ ہو اور مجھے یقین ہے کہ ایسا ہی ہو گا۔ انہوں نے کہا کہ فلمیں بنانے والوں کو چاہئے کہ وہ نئے موضوعات کے مطابق فلمیں بنائیں اور تھوڑی سی ریسرچ کر لیا کریں تو ایک اچھی فلم بن سکتی ہے۔