لاہور (سپورٹس ڈیسک ) سِلی کون ویلی کلاسیک ٹینس ٹورنامنٹ کے دوسرے راو¿نڈ میں برطانیہ کی جوہانا کونٹا نے امریکہ کی صوفیا کو ہرا کر اگلے مرحلے میں جگہ پکی کر لی ہے۔ امریکہ میں سِلی کون ویلی ٹینس ٹورنامنٹ کا دوسرا راو¿نڈ جاری ہے۔برطانیہ کی جوہانا کونٹا اور میزبان ملک کی صوفیا میں جوڑ پڑا، برطانوی پلیئر نے پہلا سیٹ چھ ایک سے اپنے نام کیا۔ دوسرے سیٹ میں بھی وہ اپنی حریف پر حاوی رہیں، اس بار جوہانا کونٹا نے چھ چار سے فتح حاصل کر کے تیسرے راو¿نڈ میں رسائی حاصل کر لی۔ جرمنی کے الیگزینڈر نے اپنے بھائی کو ہراکر سٹی اوپن ٹینس کے کوارٹر فائنل میں جگہ بنالی۔ امریکہ کے جان ازنر کو اپ سیٹ شکست ہوگئی۔سٹی اوپن ٹینس ٹورنامنٹ میں کوارٹر فائنل تک رسائی کی جنگ میں دو بھائی آمنے سامنے آگئے۔ جرمنی کے الیگزینڈر زاریو نے اپنے بھائی میشا زاریو کو چھ تین اور سات پانچ سے ہرا کر کوارٹر فائنل میں جگہ بنالی۔ امریکہ کے جان ازنرکو وائلڈ کارڈ انٹری سے جگہ بنانے والے ہم وطن پلیئر نوہ رابن نے شکست دے دی۔