لاہور(نمائندہ خصوصی)اقبال ٹاؤن کے علاقہ میں معروف سٹیج اداکار ببوبرال کی بیٹی کو اس کے شوہر نے مبینہ تشدد کا نشانہ بنا ڈالا۔خاتون نے مقدمہ کے اندراج کے لیے درخواست جمع کروا دی ہے۔تفصیلات کے مطابق معروف اداکار ببو برال کی 20سالہ بیٹی مریم برال کو شوہر نے تشدد کا نشانہ بنایا جس سے چہرے اور بازو پر نشانات آئے۔مریم برال نے تھانہ اقبال ٹاؤن میں شوہر ساقی خان کے خلاف اندراج مقدمہ کے لئے درخواست جمع کروا دی۔ درخواست کے مطابق تشدد ساقی خان کا معمول ہے اس وجہ سے وہ اپنا نومولود بیٹا بھی گنوا بیٹھی ہے۔مریم اور ساقی خان کی شادی پچھلے سال مارچ کے ماہ میں ہوئی تھی۔پولیس کے مطابق درخواست موصول ہو گئی ہے قانون کے مطابق کارروائی عمل میں لائی جائے گی۔