لاہور+فیروز والہ(نامہ نگار+نمائند ہ خصوصی) اسلام پورہ کے علاقے سگیاں پل کے قریب موٹر سائیکل سواروں نے سر میں گولی مار کر 60سالہ شخص کو قتل کر دیا مقتول کی شناخت مشتاق کے نام سے ہوئی۔تھانہ شاہدرہ ٹاون کی آبادی جمیل پارک میں دیرینہ رنجش پر ملزمان حسیب اور اویس نے گولیاں مار کر جواں سالہ محسن کو مار ڈالا اور فرار ہو گئے۔‘تھانہ شاہدرہ ٹاون کی آبادی احاطہ ورکشاپ میں ایک خاتون کے تشدد سے اس کی نند آمینہ بی بی جاں بحق ہوگئی‘ طارقہ بی بی اور اس کی نند آمینہ بی بی کا آپس میں جھگڑا ہو گیا آمینہ کو حالت غیر ہونے پر ہسپتال منتقل کیا گیا لیکن آمینہ بی بی موت سے زندگی کی جنگ لڑتے ہوئے جاں بحق ہو گئی۔شاہدرہ میں لین دین کے تنازع پر باپ کے سامنے 35سالہ بیٹے کو گلہ دبا کر قتل کردیاگیا۔لاج پت روڈ کے رہائشی 35 سالہ فرحان کا پیسوں کے لین دین کی وجہ سے جھگڑا چل رہاتھا۔گزشتہ روز35 سالہ فرحان کے والد محمود جوکہ اپاہج ہیں کے سامنے دوملزمان نے گھر میں داخل ہو کر اس کاگلہ دبا کر قتل کر دیا ۔