امریکہ: کیلی فورنیا کے جنگلوں میں آگ سے سینکڑوں گھر متاثر‘8 ہزار افراد کو نقل مکانی کا حکم

واشنگٹن(صباح نیوز)امریکی ریاست کیلی فورنیا کے جنگلوں میں آگ لگ گئی، حکام نے ہزاروں افراد کو علاقے سے نکلنے کے احکامات جاری کر دیئے۔کیلی فورنیا کے شمال مغربی جنگل میں 18 مربع میل کا علاقہ آگ کی لپیٹ میں آ گیا جس سے جنگل کے قریب کئی گھر جل گئے، سیکڑوں فائر فائٹرز آگ بجھانے کے عمل میں مصروف ہیں۔ جہاز کے ذریعے بھی پانی پھینک کر آگ پر قابو پانے کی کوشش کی گئی۔حکام نے 25 سو گھروں سے 8 ہزار افراد کو نکلنے کا حکم جاری کر دیا ہے، امدادی کارکنوں کو آگ بجھانے کی کارروائیوں میں مشکلات کا سامنا ہے۔