وائس چانسلر پروفیسر نیاز احمد اختر نے عید الاضحی کے موقع پر پنجاب یونیورسٹی رہائشی کالونی، ہاسٹلز اور دیگر مقامات سے بروقت قربانی کے جانوروں کی آلائشیں اٹھانے اور صفائی کے بہترین انتظامات پرپنجاب یونیورسٹی کیمپس کارپوریشن کے سینٹری سپروائزر چوہدری مشتاق مسیح، اسسٹنٹ سینٹری سپروائزر شفیق مسیح و دیگر کی کاوشوں کو سراہا۔
انہوں نے کہا کہ سینیٹری ورکرز کی شب و روز کی محنت سے عید الاضحی پر صفائی کے بہترین انتظامات کی بدولت پنجاب یونیورسٹی میں بدبو اور تعفن نہیں پھیلا اور ماحول گندگی سے محفوظ رہا۔ پرووائس چانسلر پروفیسر ڈاکٹر محمد سلیم مظہر، رجسٹرار ڈاکٹر محمد خالد خان، اقامتی آفیسر اول کرنل (ر) عمر خالد اور اقامتی آفیسر دوم جلیل طارق نے بھی پنجاب یونیورسٹی میں صفائی کے بہترین انتظامات پر کیمپس کارپوریشن کے سینٹری ورکرز کی تعریف کی۔
