اسلام آباد(نا مہ نگار) اسرا یونیورسٹی کے پانچویں کانوکیشن کا انعقاد کیا گیا، 275طلبا و طالبات کو اسناد دی گئیں۔ہونہار طلبا کو شاندار کارکردگی پر گولڈ سلور اور برونز میڈلز بھی دیئے گئے،ہونہار طلبا کو شاندار کارکردگی پر 7گولڈ ،10سلور اور 10برونز میڈلز تقسیم کیئے گئے۔275 طلبا و طالبات نے پی ایچ ڈی،ایم بی بی ایس، فزیوتھراپی اور نرسنگ کی ڈگریاں مکمل کیں، وائس چانسلر نظیر اشرف لغاری کا کہنا تھا آج نہ صرف طلبا و طالبات بلکہ یونیورسٹی کے لیئے بھی تاریخی دن ہے ۔کانوکیشن میں وزیر اعظم کے مشیر برائے پارلیمانی امور بابر اعوان اور لیفٹنینٹ جنرل ریٹائرڈ ناصر خان جنجوعہ نے کامیابی حاصل کرنے والے طلبا کو ملک کا سرمایہ قرار دیا ۔