ٹوکیو (اسپورٹس ڈیسک )ٹوکیو اولمپکس میں میڈل ٹیبل پر چین کی برتری برقرار ہے ، امریکا کا دوسرا جبکہ جاپان کا تیسرا نمبر ہے۔تفصیلات کے مطابقٹوکیواولمپک گیمزکے تازہ میڈل پوزیشن کے مطابق چین 32طلائی مجموئی طور پر 69 تمغوں کیساتھ بدستور پہلے نمبر براجمان ہے تاہم امریکہ مجموعی طور پر24طلائی تمغوں مجموعی طور73میڈلز کے ساتھ دوسری پوزیشن  پر آگیا جبکہ میزبان جاپان 19 گولڈ،6سلور اور11 برانزمیڈلز کے ساتھ مجموعی طور پر 36میڈلز کے ساتھ تیسری پوزیشن پر ہیں ۔دوسری جانب آسٹریلیا 14طلائی مجموعی طور پر 33میڈلز کے ساتھ چوتھے نمبرپر براجمان ہے۔ خواتین کی لانگ جمپ میں جرمنی نے گولڈ میڈل جیت لیا۔ خواتین ڈسکس تھرو میں امریکا کی آلمین بازی لے گئیں جبکہ چار سو میٹر ہرڈل ریس میں ناروے کے کارسٹن کو گولڈ میڈل ملا۔خواتین سائیکلنگ کے ٹیم اسپرنٹ میں چین کا گولڈ میڈل ، 87 کلو گرام ویٹ لفٹنگ میں بھی چینی تن ساز کا پہلا نمبر ، جمناسٹک کے رنگز فائنل میں بھی چینی کھلاڑی بازی لے گیا۔ بیڈمنٹ سنگل میں ڈنمارک نے گولڈ میڈل جیتا ، لانگ جمپ میں یونانی کھلاڑی نے گولڈ میڈل جیتا ، سو میٹر ہرڈل ریس پوئرٹرریکو کی ایتھلیٹ نے جیت لی ، ٹرپل جمپ میں وینزویلا کو گولڈ میڈل مل گیا۔ ٹوکیو اولمپکس 2020 کا رنگا رنگ ایونٹ جاری ہے ، ہاکی کے سیمی فائنل میں بیلجیئم نے بھارت کو 5-2 سے عبرتناک شکست دی۔ ٹوکیو اولمپکس میں ہاکی کے سیمی فائنل میں بیلجیئم اور بھارت مد مقابل آئے ، بیلجیئم نے آغاز سے ہی میچ پر اپنی گرفت رکھی ، بیلجیئم کے کھلاڑی لیوک لیوپرٹ نے پہلے کوارٹر میں ہی گول کر کے برتری دلا دی مگر بھارت کے ہرمن پریت اور مندیپ سنگھ نے اوپر نیچے دو گول کر کے اپنی ٹیم کا سکور دو گول کر دیا۔ دوسرے کوارٹر میں بیلجیئم کے الیگزینڈر نے پنلٹی کارنر کی مدد سے گول کر کے سکور دو دو کر دیا۔ تیسرے کوارٹر میں کوئی گول نہ ہو سکا مگر چوتھے کوارٹر میں ہنڈرکس نے  گول کر کے بیلجیئم کو دو کے مقابلے میں تین سے برتری دلا دی ، کچھ ہی دیر کے بعد ہنڈرکس نے پنلٹی کارنر کی مدد سے گول کر کے اپنی ہیٹ ٹرک کی۔