ویمنز انڈور ایشیا ہاکی کپ :پاکستان  کے 10رکنی سکواڈ کا اعلان

لاہور(سپورٹس رپورٹر) پاکستان ہاکی فیڈریشن نے ویمنز انڈور ایشیا ہاکی کپ کیلئے کھلاڑیوں کا اعلان کر دیا۔ویمنز انڈور ایشیا ہاکی کپ بنکاک اور تھائی لینڈ میں 8 سے 15 اگست تک کھیلا جائے گا۔ پی ایچ ایف نے ویمنز انڈور ایشیا ہاکی کپ کیلئے 10 رکنی کھلاڑیوں کا اعلان کیا۔ایشیا ہاکی کپ کے اعلان کردہ کھلاڑیوں میں شازمہ نسیم گول کیپر، طاہرہ اسلام گول کیپر، حمرالطیف، اقرااقبال، مائرہ صابر، ندا اصغر، کلثوم شہزادی کو منتخب کیا گیا ہے۔ مریم حنیف، اریبہ سرور اور دعا خان نائب کپتان بھی ایشیا ہاکی کپ کھیلیں گی۔ٹیم آفیشلز میں منیجر شہلا رضا، کوچ نعیم احمد اور ویمنز کوچ راحت خان کو شامل کیا گیا ہے۔