لاہور(سپورٹس رپورٹر)برمنگھم میں جاری کامن ویلتھ گیمز کے شاٹ پٹ مقابلے میں شریک پاکستان کے اتھلیٹ جمشید علی بھی کوالیفائرز کے بجائے اب براہ راست فائنل کھیلیں گے،اس سے قبل کامن ویلتھ گیمز میں نیزہ باز ارشد ندیم کے بھی براہ راست فائنل کھیلنے کا اعلان کیا گیا تھا۔پاکستان اتھلیٹکس ٹیم کی منیجرصدف صدیقی نے اس بات کی تصدیق کی کہ دونوں پلیئرز کوالیفائرز کے بجائے اب براہ راست فائنل کھیلیں گے۔اس سے قبل جمشید علی کو شاٹ پٹ مقابلوں کے کوالیفائر کیلئے 3 اگست کو اور ارشد ندیم کو جویلین تھرو کے کوالیفائرز کیلئے 5 اگست کو میدان میں اترنا تھا لیکن اب جمشید اپنے ایونٹ کا فائنل 5 اگست کو اور ارشد ندیم 7 اگست کو کھیلیں گے۔