4 رکنی ڈکیت گینگ گرفتار ‘ڈیڑھ کروڑروپے ‘52تولے زیورات برآمد

لاہور(نامہ نگار) ڈی ایس پی سی آئی کینٹ طارق الیاس کیانی نے ڈیفنس میں پریس کانفرنس کرتے ہوئے بتایا کہ سی آئی اے نے بین الاضلاعی ڈکیت و نقب زن گینگ کے  4  ملزمان خضر حیات، رحمت،نوید اور صائم کو گرفتار کر کے ملزمان سے 1 کروڑ 45لاکھ روپے سے زائد نقدی،52تولے طلائی زیورات بھی برآمد کر لیے۔سابقہ ریکارڈ یافتہ ملزمان کے خلاف لاہور سمیت دیگراضلاع میں ڈکیتی اور نقب زنی کے درجنوں مقدمات ٹریس ہوئے۔ملزمان گن پوائنٹ پر شہریوں کو ان کی قیمتی اشیاء  سے محروم کر دیتے تھے۔ملزمان مکمل ریکی کر کے گھروں اور دکانوں کے تالے توڑ کر نقدی اورقیمتی اشیاء چرا کر فرار ہو جاتے تھے۔