پولیس  شہداء ، خصوصی تقاریب آج ہونگی 

لاہور(نامہ نگار) یوم شہداء پولیس پر پنجاب پولیس کے زیر اہتمام صوبے کی تمام پولیس لائنز اور یادگار شہداء پر شہدائے پولیس کے اعزاز میںآج خصوصی تقاریب کا انعقاد کیا جارہا ہے۔ پولیس دستے شہداء کی لازوال قربانی کو سلامی و خراج تحسین پیش کریں گے۔ترجمان پنجاب پولیس نے بتایاکہ پیشہ ورانہ فرائض کی ادائیگی کے دوران جام شہادت نوش کرنے والے پنجاب پولیس کے شہداء کی مجموعی تعداد 1573 ہے جن میں لاہور پولیس 320، راولپنڈی پولیس 112، فیصل آباد پولیس 105 جبکہ گوجرانوالہ پولیس 99 شہداء کی امین فورس ہے۔ان شہداء میں تمام اضلاع کی پولیس کیساتھ ساتھ پنجاب کانسٹیبلری، پی ایچ پی،ایلیٹ،ٹریفک پولیس، سپیشل برانچ، سی ٹی ڈی،ٹیلی کمیونیکیشن اورپی ٹی ایس کے جوان بھی شامل ہیں۔