سی پی اوکا چیانوالی پاورپراجیکٹ اور گرودوارہ روہڑی صاحب کا وزٹ

گوجرانوالہ(نمائندہ خصوصی)سٹی پولیس آفیسرعمر سلامت نے گزشتہ روز چیانوالی پاورپراجیکٹ اور گرودوارہ روہڑی صاحب کا وزٹ۔ایس پی صدر محمد عثمان ٹیپو نے سی پی او کو سیکیورٹی امور کے متعلق بریفینگ دی۔ اس موقع پرسی پی او نے پراجیکٹ کے حفاظتی انتظامات کو چیک کیااور ان میں مزید بہتری کے احکامات جاری کیے۔پراجیکٹ کے داخلی اور خارجی راستوں پر مسلح جوانوں کو الرٹ رہتے ہوئے ڈیوٹی سر انجام دینے کی ہدایات دیں۔سی پی او نے مزید کہا کہ الیٹ فورس کے مسلح دستے بھی چوکس رہتے ہوئے ڈیوٹی سر انجام دیں گے۔ بعدازاں سی پی او نے گردوارہ روہڑی صاحب کا وزٹ کیا اورسی پی اونے گردوارہ کے منتظمین سے سیکورٹی انتظامات کے حوالے سے بات چیت کی جبکہ منتظم گردوارہ نے پولیس کی جانب سے کئے گئے انتظامات کو سراہتے کہا کہ پولیس نفری وقتا فوقتا گردوارہ کے اردگرد کے علاقوں میں سرچ آپریشن کر تی رہتی ہے۔اس موقع پر سی پی او نے کہا کہ چائینز سمیت تمام فارنرزکی سیکیورٹی کو یقینی بنانے کے لئے تما م وسائل بروئے کار لائے جا رہے ہیں۔