لاہور(کلچرل رپورٹر) الحمرا کلچرل کمپلیکس قذافی سٹیڈیم میں ڈرائنگ سمر کیمپ کی اختتامی تقریب کا انعقادکیاگیا۔ایگزیکٹوڈائریکٹر الحمراءمحمد سلیم ساگر نے سمر کیمپ میں تربیت حاصل کرنے والے بچوں کو مبارکباد دیتے ہوئے کہا کہ سمر کیمپ ڈیرھ ماہ تک جاری رہا،بچوں نے ڈرائنگ کی نئی مہارتیں سیکھی۔ سمر کیمپ میں شامل ہونے والے بچو ں میں بے پناہ ٹیلنٹ تھا۔نامور کارٹونسٹ جاوید اقبال نے سمر کیمپ میں شریک بچوں میں اسناد و تحائف تقسیم کئے۔ ایگزیکٹوڈائریکٹر الحمراءنے بچوں کی بھر پور تحسین کی۔نامورکارٹونسٹ جاوید اقبال نے سربراہ الحمراءاور اسکی پوری ٹیم کا کاوش کو سراہتے ہوئے کہا کہ الحمرا کا بچوں کی تربیت کیلئے اقدامات اٹھانا حوصلہ افزاءہے۔ بچوں میں سیکھنے کی لگن دیکھ کر خوشی ہوئی۔ سمر کیمپ کا انعقاد الحمرا اکیڈمی آف پرفارمنگ آرٹس کی خصوصی کاوش تھی۔سمر کیمپ میں تجربہ کار اساتذہ نے بچوں کو تربیت فراہم کی۔ایگزی بیشن آفیسر بابر مصطفی نے نہایت دل جمی سے بچوں کو پڑھایا،سیکھایا۔پروگرام میں ڈپٹی ڈائریکٹر سید نوید الحسن بخاری،ڈپٹی ڈائریکٹر محمد عارف و دیگر افسران نے بھی شرکت کی۔پروگرام کی نظامت کیوریٹر ہاجرہ محمود نے ادا کئے۔