لاہور(سپورٹس رپورٹر)ایشین انڈر 18 والی بال چیمپئن شپ کے سیمی فائنل میں سنسنی خیز اور اعصاب شکن مقابلے میں زبردست فائٹ کے بعد پاکستان  انڈر  18 ٹیم  چین سے مقابلے میں ناکام ہوگئی۔ بحرین میں جاری ایشین انڈر 18 والی بال چیمپئن شپ میں پاکستان اور چین کے درمیان سنسنی خیز سیمی فائنل ہوا، کبھی چین کی ٹیم سبقت لے جاتی تو کبھی پاکستان کا پلڑا بھاری لگتا۔ پاکستان کے خلاف چین کی کامیابی کا سکور 23-25، 25-22، 22-25، 25-23 اور 8-15 رہا۔