لاہور(سپورٹس رپورٹر)جرمن گھڑ سوار ایزابیل ورتھ نے پیرس اولمپکس میں ایکوسٹریئن کے مقابلوں میں گولڈ میڈل جیت کر نئی تاریخ رقم کردی، وہ 7 مختلف ایڈیشنز میں گولڈ میڈل جیتنے والی پہلی پلیئر بن گئی ہیں۔ایزابیل ورتھ ایکوسٹریئن میں ٹیم ڈرسیج جیتنے والی جرمن ٹیم کا حصہ تھیں۔ایزابیل ورتھ نے 1992 سے لے کر 2024 اولمپکس میں 8 گولڈ میڈلز سمیت 13 میڈلز جیتے ہیں۔55 سالہ اتھلیٹ نے جب اولمپکس میں شرکت کی، گولڈ میڈل ضرور جیتا۔ انہوں نے 1992، 1996، 2000، 2008، 2016، 2020 اور 2024 اولمپکس میں شرکت کی اور جرمنی کیلئے میڈلز جیتے۔