قصور : پولیس چوکی کے اندر سے موٹرسائیکل چوری‘ محرر سمیت 2 اہلکار معطل

قصور (نمائندہ نوائے وقت) قصور تھانہ اے ڈویژن کی چوکی پرانا لاری اڈا کے اندر سے موٹر سائیکل چوری،محرر سمیت دو اہلکار معطل‘ وقوعہ سی سی ٹی وی کیمرہ میں محفوظ ہو گیا ۔ تھانہ اے ڈویژن چوکی پرانا لاری اڈا میں کانسٹیبل عبداللہ کریم موٹر سائیکل کھڑی کرکے گیا جو چوری ہو گئی ۔موٹر سائیکل چوری کا چوکی میں مقدمہ درج کر لیا گیا ،پولیس چوکی سے موٹر سائیکل چوری ہونے کے بعد محرر سمیت دو اہلکاروں کو معطل کر دیا گیا، پولیس ترجمان کے مطابق تفتیش جاری ہے بہت جلد ملزم کو گرفتار کرلیا جائے گا۔