ایگریکس ٹائون کوآپریٹو سوسائٹی میں ڈینگی آگاہی واک،پمفلٹ تقسیم  

لاہور(کامرس رپورٹر) سیکرٹری رجسٹرار و ڈپٹی رجسٹرار کی ہدایت پر ایگریکس کوآپریٹو سوسائٹی لمیٹڈ لاہور میں ڈینگی آگاہی واک کا اہتمام کیا گیا۔ محکمہ کوآپریٹو کی جانب سے اسسٹنٹ رجسٹرار اویس بریار اور انسپکٹر عبداللہ شاہ شریک ہوئے۔ اس کے علاوہ حاجی سرفراز وڑائچ، میاں نعیم و ممبران سوسائٹی نے کثیر تعداد میں ڈینگی آگاہی واک میں شرکت کی۔ انسداد ڈینگی مہم کے سلسلے میں تمام سوسائٹی میں ڈینگی آگاہی بارے پمفلٹ تقسیم کئے۔ لوگوں کو ڈینگی سے بچائو بارے آگاہی دی۔ ڈینگی سے پاک پنجاب ہمارا عزم ہے۔ ہم ڈینگی کو شکست دینگے۔