لاہور+کسووال (این این آئی+ نامہ نگار) باپ نے بیٹی جبکہ کسووال میں بھائی نے بہن قتل کر دی۔ تفصیلات کے مطابق واقعہ رائے ونڈ کی مشن کالونی میں رونما ہوا۔ ملزم نیلسن مسیح کو اپنی بیٹی پر شک تھا، اس نے ہتھوڑے مار کر موت کے گھاٹ اتار دیا۔ سر پر ہتھوڑے کے وار کیے۔ پولیس نے ملزم کو آلہ قتل سمیت گرفتار کر لیا۔ دریں اثناء کسووال کے تھانہ بنگلہ اوکانوالہ کے نواحی گاؤں 47 بارہ ایل میں غیرت کے نام پر اسلام نے اپنی 26 سالہ شادی شدہ بہن ارشاد بی بی کو گلا دبا کر قتل کر دیا۔ ارشاد بی بی نے چند ماہ قبل پسند کی شادی کی تھی جبکہ اس کی دوکمسن بٹیاں بھی ہیں۔