اسلام آباد  ، برساتی پانی میں نہاتے چار کمسن بچے جاں بحق 

اسلام آباد (اپنے سٹاف رپورٹر سے)اسلام آباد میں تھانہ شالیماراور تھانہ بنی گالا کے علاقوں میں برساتی پانی میں نہاتے ہوئے چار کمسن بچے جاں بحق ہوگئے تھانہ شالیمار کے سیکٹر ایف الیون ٹو میں دو بچے سات سالہ غلام ولد گوگا سکنہ ایف بارہ کچی آبادی اسلام اباد اور پانچ سالہ وقاص ولد فریادسکنہ ایف 12 کچی آبادی اسلام اباد ہفتہ کو دن اڑہائی بجے سلمان مارکیٹ ایف 11 ٹو میں جمع ہونے والے برساتی پانی میں نہانے کے دوران ساتھ ہی لگے بجلی کے ٹرانسفارمرسیکرنٹ لگنے سے دونوں بچے جاں بحق ہوگئے واقعہ کی اطلاع ملنے پر ریسکیو ٹیمیں پہنچ گئیں اور دونوں بچوں کی نعشیں نکال لیں دو بچے ڈوبنے کا دوسرا واقعہ تھانہ بنی گالا کے علاقے میں زیر تعمیرنجی ہاسنگ سوسائٹی میں پیش آیا پولیس کے مطابق دس سالہ محمد حسن اور بارہ سالہ وصال خان نہانے کیلئے تالاب میں گئے جہاں وہ ڈوبنے سے جاں بحق ہوگئے متوفین کی نعشیں پمس ہسپتال اور پولی کلینک ہسپتال منتقل کر دی گئیں بچوں کے والدین اور گھر کے افراد دھاڑیں مارتے بچوں کے ڈوبنے کی جگہوں پر پہنچ گئے پولیس مزید تفتیش کر رہی ہے۔