ون یونٹی گروپ بھاری اکثریت سے کامیاب ہو گا:  دانش مجید 

گوجرانوالہ(نمائندہ خصوصی )سابق ایگزیکٹو ممبر گوجرانولہ چیمبر آف کامرس اینڈ انڈسٹری دانش مجید نے کہا ہے کہ چیمبر آف کامرس کے انتخابات میں آئندہ بھی ’’ون یونٹی گروپ ‘‘ بزنس کمیونٹی کے ووٹوں کی طاقت سے بھاری اکثریت سے کامیاب ہو گا کیونکہ ہمارے پاس باصلاحیت اور پڑھی لکھی قیادت ہے۔ ون یونٹی گروپ کی جانب سے صدر کے نامزدامیدوار اظہر اسلم کو بزنس کمیونٹی قدر کی نگاہ سے دیکھتی ہے ۔اظہر اسلم ہمیشہ بزنس کمیونٹی کے مسائل حل کرنے میں کوشاں رہے ہیں اسی وجہ سے ون یونٹی گروپ کے قائدین نے ان پر صدارت کی ذمہ دار سونپی ہے ۔ہمیں اس فیصلہ پر فخر اور یقین ہے کہ اظہر اسلم کاروباری برادری کو ہمیشہ کی طرح کبھی مایوس نہیں کرینگے ۔ان کا کہنا تھا کہ مخالف گروپ صرف اورصرف جھوٹ پر مبنی بیان بازی اور اپنے ووٹروں کو سبز باغ دکھانے کی سیاست پر عمل پیرا ہے جبکہ ہمارا ون یونٹی گروپ ایسی سیاست پر یقین نہیں رکھتا اور نہ ہی ہم کبھی ایسی سیاست کرینگے ۔مخالفین جتنی مرضی الزام تراشیاں کر لیں انہیں الیکشن کے روز ہار کا منہ ہی دیکھنا پڑے گا۔