گوجرانوالہ(نمائندہ خصوصی)چیئرمین پاکستان الیکٹریکل پینل مینو فیکچر زایسوسی ایشن کاشف اے عزیز کی زیر صدارت ایگزیکٹو کمیٹی کا لاہور میں اجلاس منعقد ہوا جس میں مشترکہ طور پر فیصلہ کیا گیا کہ PEPMA لاہور چیمبر آف کامرس اینڈ انڈسٹری کے 2024,26کے انتخابات میں لاہور چیمبر آف کامرس کے فائونڈر گروپ کو مکمل سپورٹ کرے گی اس موقع پر کاشف اے عزیز نے آگاہ کیا کہ گوجرانوالہ چیمبر آف کامرس کے انتخابات میں ون یونٹی کی طرف سے صدارت کے نامزد امیدوار اظہر اسلم جوکہ میرے بہنوئی بھی ہیں انہوں نے PEPMAممبرز سے درخواست کی کہ اپنے سپلائی چین کے دوستوں جو کہ گوجرانوالہ چیمبر آف کامرس کے ممبرز ہیں ان سے گزارش کر یں کہ وہ ون یونٹی کے صدارتی امیدوار اظہر اسلم اور دیگر امیدواروں کو ووٹ کاسٹ کریں ،ان کا کہنا تھا کہ ہماری انتخابی کمپین زور وشور سے جاری ہے، انشاء اللہ ون یونٹی کے امیدوار بھاری اکثریت سے کامیاب ہو کر فتح کا تاج اپنے سروں پر سجائیں گے ،دوسری جانب ایسوسی ایشن کی ایگزیکٹو کمیٹی کے ممبران نے اپنے چیئر مین کو لاہور اور گوجرانوالہ کے انتخابات میں مکمل سپورٹ کرنے کی یقین دہائی کروائی ہے۔