ڈیرہ اسماعیل خان (آئی این پی) ڈیرہ اسماعیل خان میںگومل یونیورسٹی کے سامنے واقع آبادی شیرانی کالونی میں نصب ساڑھے تین کلو وزنی بم ناکارہ بنا دیا گیا۔دوسری جانب عاشورہ محرم کو ہونے والے بم دھماکے کا ایک اور زخمی بھی نشتر ہسپتال ملتان میں چل بسا ہے اور عاشورہ محرم کے جلوس دھماکے میں جاں بحق ہونے والے افراد کی تعداد9ہو گئی ۔پیر کو بم ڈسپوزل اسکواڈ کے مطابق بم زیر زمین نصب کیا گیا تھا۔مقامی آبادی کی اطلاع پر عملہ نے موقع پر پہنچ کر بم کو ناکارہ بنا دیا۔ ان کا کہنا تھا کہ اس بم کی سیفٹی وائر اور ڈیٹونیٹر بلاسٹ ہو چکے تھے۔