اسلامیہ کالج کے قریب نامعلوم افراد کی فائرنگ سے صدیق نامی شخص زخمی ہوگیا جسے طبی امداد کے لیے سول اسپتال منتقل کردیا گیا، ادھرپولیس نے ملیرکھوکھراپاراورسولجر بازار میں کارروائی کرتے ہوئے ٹارگٹ کلرسمیت تین ملزمان کوگرفتارکرلیا جن کے قبضےسے اسلحہ اورچھینی گئی موٹرسائیکل برآمد ہوئی ہے۔ کھوکھراپارمیں شہبازنامی ٹارگٹ کلرنے تین افراد کے قتل کا اعتراف کیا ہے، دوسری جانب پاکستان رینجرزسندھ نے بھی مچھرکالونی میں کارروائی کی اورچارمشتبہ افراد کوحراست میں لے لیا۔ ملزمان کوتفتیش کے لیے نامعلوم مقام پرمنتقل کردیا گیا۔ رات گئے بنارس کے علاقے پٹھان کالونی میں نامعلوم افراد نے ہوٹل کے قریب کریکردھماکہ کیا جس کے نتیجے میں پانچ افراد زخمی ہوگئے۔ زخمی ہونے والوں کی شناخت شمشیر، سردار،محمد عالم ۔عامراور احمد عالم کے نام سے ہوئی ہے۔