اوٹاوہ (نیٹ نیوز) کینیڈا میں ہونے والی آئس ہاکی میچ کے دوران ایک منفرد نظارہ دیکھنے کو ملا جب پہلا گول ہوتے ہی سٹیڈیم میں شائقین کی جانب سے آئس رنگ پر ٹیڈی بیئرز کی بارش کر دی گئی۔ گھبرانے کی کوئی بات نہیں ہے کیونکہ نہ ہی یہ شائقین کے اشتعال کا نتیجہ تھا اور نہ ہی مخالف ٹیم کے حامیوں کا غصہ بلکہ یہ سب امدادی مقاصد کے تحت پہلے سے طے شدہ پلان کے مطابق کروایا گیا تھا۔ جی ہاں کینیڈا کی آئس ہاکی ٹیم نے اپنے مداحوں سے ٹیڈی بیئرز ساتھ لانے کی اپیل کی تھی۔