سوات+ پشاور (نوائے وقت رپورٹ) مٹہ سوات میں فائرنگ سے مقامی امن کمیٹی کے رہنما علی اکبر جاں بحق ہو گئے۔ سکیورٹی اداروں نے علاقے کو گھیرے میں لے لیا۔ علاوہ ازیں حیات آباد فیز 7 پشاور سے پروفیسر ڈاکٹر امجد تقویم کو نامعلوم افراد نے اغوا کر لیا۔ ڈاکٹر امجد تقویم کو نماز مغرب کے بعد مسجد کے سامنے سے اغوا کیا گیا۔ اغوا کیخلاف ینگ ڈاکٹرز ایسوسی ایشن نے آج سے لیڈی ریڈنگ ہسپتال سے بائیکاٹ کرنے کا اعلان کیا ہے۔