لاہور (خصوصی رپورٹر) مسلم لیگ (ن) کے رہنما زعیم قادری نے کہا ہے کہ عمران خان کی جھوٹ کی سیاست کبھی کامیاب نہیں ہوگی۔ قوم دھرنوں، جلسوں اور ہڑتالوں سے تنگ آچکی ہے۔ انہوں نے کہا کہ پی ٹی آئی کی احتجاجی کال ملک و قوم سے دشمنی کے مترادف ہے۔ عمران خان اور انکے حواری ملک میں نفرت کے بیج بو رہے ہیں۔ عمران خان نے ملک پر حکمرانی کے شوق میں خیبر پی کے کو بھی ڈبو دیا۔ تحریک انصاف کے کارکن عمران خان کے غلط فیصلوں سے پریشان ہیں۔