فلسطینی ہمارے دل میں رہتے ہیں صدر کی مندوب سے گفتگو، ترکی، چین کے نمائندوں کا بھی پُرجوش خیرمقدم

لاہور (آئی این پی) صدر ممنون کی ایشیائی پارلیمانی اسمبلی کے مندوبین سے ملاقات کے دوران جب صدر کا فلسطینی مندوب سے تعارف کرایا گیا تو صدر مملکت نے فلسطینی مندوب کا پاکستان آمد پر پُرجوش خیرمقدم کرتے ہوئے کہا کہ فلسطینی عوام پاکستانیوں کے دل میں رہتے ہیں۔ پاکستان فلسطینیوں کی غیرمشروط حمایت جاری رکھے گا۔ اس موقع پر صدر نے ترکی اور چین کے مندوبین کا بھی پرجوش خیرمقدم کیا۔