پی آئی اے کی پرواز سامان دبئی چھوڑ کر اسلام آباد پہنچ گئی، مسافروں کا شدید احتجاج

راولپنڈی (این این آئی) پی آئی اے کی دبئی سے آنے والی پرواز مسافر تو وطن واپس لے آئی سامان دبئی میں ہی چھوڑ دیا۔ ذرائع کے مطابق دبئی سے آنے والی قومی ائیرلائن کی پرواز پی کے 234 اسلام آباد کے بینظیرانٹرنیشنل ایئرپورٹ پہنچی تومعلوم ہوا کہ وہ مسافروں کا سامان تو دبئی ہی چھوڑ آئی۔ مسافروں کی جانب سے ایئرپورٹ پر شدید احتجاج کئے جانے کے بعد ایئرپورٹ پرموجود قومی ایئرلائن کے حکام نے انہیں یقین دہانی کرائی کہ ان کا سامان اگلی فلائٹ کے زریعے منگوالیا جائے گا۔