لاڑکانہ(نامہ نگار)سندھ نیشنل فرنٹ کے چیئرمین ممتاز علی خان بھٹو کراچی سے موئن جو دڑو ایئرپورٹ پہنچے تو کارکنان اور پارٹی رہنماﺅں نے ان کا استقبال کیا اور پھولوں کی پتیاں نچھاور کیں، ممتاز علی بھٹو کو سینکڑوں گاڑیوں، کاروں، موٹرسائیکلوں، ویگنوں اور بسوں کے جلوس سے ان کے گاﺅں میرپور بھٹو پہنچایا گیا۔ موئن جو دڑو سے میرپور بھٹو تک راستے میں کئی گوٹھوں میں ان کا نعروں کی گونج میں والہانہ استقبال کیا گیا، جلوس میں پارٹی کے وائس چیئرمین نوابزادہ امیر بخش خان بھٹو، سید حسن محمود شاہ امروٹی، ڈاکٹر روشن پیچوہو، ارشاد خان جونیجو، سرائی محمد صالح لاکھو، رئیس غلام رسول خان چانڈیو، حاجی خان بروہی، شیر خان کھوسو و دیگر بڑی تعداد میں شریک تھے جبکہ ن لیگ سندھ کے جوائنٹ سیکرٹری قربان علی عباسی نے بھی ساتھیوں سمیت موئن جو دڑو پہنچ کر ممتاز بھٹو کا استقبال کیا۔
ممتاز بھٹو استقبال