مقبوضہ بیت المقدس (اے این این)اسرائیل میں تیار کئے جانے والے وسیع پیمانے پر تباہی پھیلانے والے ایک نئے اور انتہائی خطرناک میزائل کو صہیونی فوج کے حوالے کیا گیا ہے۔ میڈیا رپورٹس کے مطابق سپر نیویس نامی خطرناک میزائل فضائیہ کے حوالے کیا گیا ہے۔ یہ میزائل نہتے افراد کو ہلاک کرنے اور آبادی والے مقامات پر تباہی پھیلانے کیلئے استعمال کیا جائے گا۔سپر نیویس میزائل صہیونی فوج کے پاس پہلے سے موجود انتہائی مہلک میزائلوں میں غیر معمولی جدت کا حامل ہے۔ رپورٹ کے مطابق سپر نیویس میزائل اپنے قطر اور حجم میں دوسرے میزائلوں سے بڑا نہیں مگر تباہی مچانے اور مہلک مواد لے جانے میں دوسرے میزائلوں سے پانچ گنا طاقت ور ہے اور اسے عمودی شکل میں ہدف پر گرایا جاتا ہے۔
میزائل
