ایڈیلیڈ(سپورٹس ڈیسک) آسٹریلیا نے شان مارش کی سنچری کی بدولت دوسرے ایشز ٹیسٹ میںپہلی اننگز 442 رنز 8 کھلاڑی آؤٹ پر ڈکلیئر کر دی ۔ آسٹریلیا نے پہلی نامکمل اننگز 209 رنز 4 کھلاڑی آؤٹ پر دوبارہ شروع کی تو پیٹر ہینڈزکومب 36 اور شان مارش 20 پر کھیل رہے تھے۔ ہینڈزکومب کوئی اضافہ کئے بغیر ایل بی ڈبلیو ہوگئے۔ مارش اور ٹم پین نے چھٹی وکٹ کیلئے 85 رنز جوڑے۔ ٹم پین نے 57 رنز کی اننگز کھیلی ۔ شان مارش اور پیٹ کمنز نے 99 رنز کی شراکت قائم کرکے ٹیم کا سکور 410 رنز تک پہنچایا، کمنز 44 رنز بنانے کے بعد اورٹن کا نشانہ بنے۔442 کے مجموعی سکور پر آسٹریلیا نے اننگز ڈکلیئر کر دی، شان مارش نے 126 رنز کی اننگز کھیلی اور آؤٹ نہیں ہوئے۔ اورٹن نے تین اور سٹورٹ براڈ نے دو کھلاڑیوں کو آؤٹ کیا۔انگلینڈ کے 29 کے سکور پر مارک سٹون مین 18 رنز بنانے کے بعد ایل بی ڈبلیو قرار پائے۔ بارش کے باعث دوسرے دن کا کھیل مقررہ وقت سے پہلے ختم کر دیا گیا انگلینڈ نے ایک وکٹ پر 29 رنز بنائے تھے۔