نواز شریف اور آصف زرداری کے مابین جلد ملاقات کا امکان ہے،منظوروسان

 سندھ کے وزیر صنعت و تجارت منظور وسان نے کہا ہے کہ نواز شریف اور آصف زرداری کے مابین جلد سیاسی ملاقات کا امکان ہے، عمران خان جلد نااہل ہو جائیں گے،وہ سیاست کو چھوڑ کر کرکٹ اکیڈمی قائم کر کے نوجوانوں کو کرکٹ کھیلنا سکھائیں گے۔  میڈیا سے گفتگو کرتے ہوئے انہوں نے کہا آنے والے چند ماہ سیاستدانوں اور حکمرانوں پر بھاری ثابت ہوں گے، کچھ بھی ہو سکتا ہے،کرپشن سے پاک عوامی مقبولیت رکھنے والے سیاستدان آئندہ انتخابات میں کامیاب ہوں گے، عمران خان جلد نا اہل ہو جائیں گے اور وہ سیاست کو چھوڑ کر کرکٹ اکیڈمی قائم کر کے وہاں نوجوانوں کو کرکٹ کھیلنا سکھائیں گے۔منظور حسین وسان نے کہا کہ نواز شریف اور آصف زرداری کے مابین جلد سیاسی ملاقات کا امکان نظر آرہا ہے ، بلاول اور مریم نواز کے درمیان ملاقات بھی متوقع ہے۔ انہوں نے کہا وہ پہلے بھی کہہ چکے تھے کہ ایم کیو ایم کے چاردھڑ ے ہوں گے چوتھا دھڑا بھی اب ظاہر ہو گیا ہے۔