شاہین آفریدی ٹیسٹ ڈیبیو کرنے والے پاکستان کے دو سو چھتیسویں کرکٹر

لاہور ( سپورٹس رپورٹر ) شاہین آفریدی کو ٹیسٹ ڈیبیو کرنے کا موقع مل گیا، لیفٹ آرم فاسٹ باؤلر یہ اعزاز پانے والے پاکستان کے دو سو چھتیسویں کرکٹر بن گئے۔ انیس سالہ فاسٹ باولر شاہین شاہ آفریدی پر قسمت مہربان، ایک ہی سال میں ون ڈے، ٹی ٹونٹی اور اب ٹیسٹ میں ڈیبیو کر لیا۔ محمد عباس کے زخمی ہونے کے باعث ابھرتے ہوئے دراز قد باؤلر کو ابوظہبی ٹیسٹ میں ڈیبیو کرنے کا موقع ملا۔