رحیم یار خان(احسان الحق سے)متحدہ عرب امارات (یو اے ای) کے ولی عہدشیخ محمد بن زید کے آئندہ ہفتے سے شروع ہونے والے دورہ چولستان کے سلسلے میں یو اے ای سے ایک خصوصی پرواز تلور کے شکار کے لئے خصوصی تربیت یافتہ عقاب و دیگر سامان لے کر گزشتہ روز چولستان پہنچ گئی۔ذرائع کے مطابق یہ خصوصی پرواز گزشتہ  روز چاندنہ ایئر پورٹ پہنچی جہاں خصوصی حفاظتی امتظامات کئے گئے تھے،یاد رہے کہ متحدہ عرب امارات (یو اے ای) کے ولی عہدشیخ محمد بن زید متوقع طور پر آئندہ ہفتے کے دوران اپنے دو ہفتے کے نجی دورے پر چولستان آ رہے ہیں جہاں وہ تلور کے شکار کے بعد بعد میں متوقع طور پر اسلام آباد میں وزیر اعظم عمران خان سے بھی ملاقات کریں گے۔ان کی چولستان آمد کے موقع پر پورے چولستان میں خصوصی حفاظتی اقدامات کئے جا رہے ہیں اور حکومت پنجاب کی درخواست پر رینجرز کے خصوصی دستے چولستان پہنچ چکے ہیں۔