ٹھارو شاہ :موٹر سائیکل سوار بس کے  نیچے آگئے، ایک جاں بحق دوسرا زخمی

ٹھاروشاہ (نمائندہ نوائے وقت) ٹھاروشاہ لنک روڈ پر مسافر بس اور موٹر سائیکل میں حادثہ بارہ سالہ بچہ جانبحق ایک شدید زخمی ڈرائیور فرار کیس داخل نہ ہوسکا تفصیلات کے مطابق ٹھاروشاہ لنک نوشہروفیروز روڈ پر مسافر بس نمبر وی آر جی 5079 ٹھاروشاہ سے حیدرآباد کے لئے نکلی تھی مچر اسٹاپ کے نزدیک اچانک دو موٹر سائیکلوں میں تصادم ہوا ایک موٹر سائیکل پر سوار بارہ سالہ غالب ونگانی اور ذوالفقار ونگانی آنے والی بس کے نیچے آگئے جن میں سے ایک ذوالفقار شدید زخمی ہوگیا جسے اسپتال منتقل کیا گیا ہے جبکہ بارہ سالہ غالب موقع پر ہی جان بحق ہوگیا جبکہ بس ڈرائیور موقع سے فرار ہوگیا فوری اطلاع پر پولیس نے پہنچ کر بس کو اپنی تحویل میں لے لیا جبکہ  پولیس نے حادثے میں جان بحق ہونے والے کی نعش کو پوسٹ مارٹم کے بعد ورثاء  کے حوالے کردیا گائوں میں اچانک موت سے دکھ اور سوگ کی فضاء  پھیلی ہوئی ہے۔