سندھی ثقافت اجگر کرنے کےحوالے سے الحمرا میں تقریب

لاہور(کلچرل رپورٹر)سندھ کلچر ڈے کے حوالے سے الحمرا میں ایک تقریب منعقد ہوئی جس کے مہمان خصوصی صوبائی سیکرٹری اطلاعات وثقافت پنجاب راجہ جہانگیر انور تھے۔اس موقع پرایگزیکٹوڈائریکٹر الحمراثمن رائے نے سیکرٹری اطلاعات کو سندھی اجرک پہنائی۔ انہوں نے الحمرا کا سندھ کلچر ڈے کے موقع پر ریلیز کردہ سندھی گانا دیکھا اور الحمرا کی اس کاوش کی بھرپور تعریف کی۔سیکرٹری اطلاعات و ثقافت نے ایگزیکٹو ڈائریکٹر ثمن رائے کے ہمراہ نامو ر گلوکار علن فقیر کے پورٹریٹ کی رونمائی کی۔سیکرٹری اطلاعات پنجاب راجہ جہانگیر انور نے کہا کہالحمرا درست سمت میں علاقائی ثقافت کے فروغ میں اپنا کلیدی کردار ادا کر رہا ہے۔اس موقع پر ایگزیکٹو ڈائریکٹر ثمن رائے نے کہا کہ سندھ کلچر ڈے منانے کا مقصد ملک میں ہم آہنگی کی فضاءکو مزید تقویت بخشنا ہے۔انہوں نے کہا کہ الحمرا آئندہ بھی اپنی سرگرمیاں جاری رکھے گا، شوکت فقیر کے گائے گانے ہو جمالو کی عوامی میں پذیرائی ہوئی.