اعصام الحق ‘عقیل خان کی جوڑی ٹورنامنٹ کے فائنل میں پہنچ گئی 

لاہور(سپورٹس رپورٹر)حسن طارق رحیم نیشنل رینکنگ ٹینس ٹورنامنٹ میں اعصام الحق اور عقیل خان کی جوڑی نے فائنل کیلئے کوالیفائی کر لیا ہے۔ایونٹ کے مقابلے لاہور کے جیم خانہ ٹینس کورٹس پر جاری ہیں، مینز ڈبلز کے سیمی فائنل میں اعصام الحق اور عقیل خان کی جوڑی نے احمد چوہدری اور عبدالحیدر کو شکست دی۔اعصام الحق اور عقیل خان کی کامیابی کا سکور 2-6 اور 3-6 رہا۔دوسرے سیمی فائنل میں محمد عابد اور وقاص ملک نے مزمل مرتضیٰ اور مدثر مرتضیٰ کو 3-6، 6-4 اور 10-5 سے ہرایا۔بوائز انڈر 18 سیمی فائنلز میں عبد اللہ نے ہشیش کمار اور سیمی زیب نے حامد اسرار کو شکست دی۔