ایشین ٹیمیں سپنرز کو اچھا کھیلتی ہیں : مومن الحق

 لاہور(سپورٹس رپورٹر) بنگلہ دیش کرکٹ ٹیم کے کپتان مومن الحق نے کہا ہے کہ ایشین ٹیمیں سپنرز کو اچھا کھیلتی ہیں ۔ میرے خیال میں ایشین ٹیموں کیخلاف سپن وکٹیں نہ بنائی جائیں تو اچھا ہوتا ہے ۔ باقی ٹیمیں بھی ایسا ہی کرتی ہیں ۔ فلیٹ وکٹیں زیادہ بہتر ثابت ہونگی ۔ میر پور کی وکٹ کے بارے کچھ کہنا بھی مشکل ہے ۔ جو کچھ دیکھا ہے لگتا ہے کہ یہ ایسی وکٹ نہیں ہوگی جس طرح آسٹریلیا اور انگلینڈ کیخلاف کھیلا ہے ۔ جب شکیب الحسن کھیلتے ہیں تو چیزیں آسان ہوجاتی ہیں ۔ وہ کچھ دنوں سے پریکٹس کر رہے ہیں اور بہت اچھے دکھائی دیتے ہیں ۔ شکیب کی واپسی پر چار بائولرز اور سات بیٹرز کو فائنل الیون میں شامل کرنے پر غور کر رہے ہیں ۔