لاہور ( سپیشل رپورٹر) آئل اینڈ گیس ڈویلپمنٹ کے نیشنل ٹیلنٹ ہنٹ پروگرام کے تحت طالبعلموں کے پہلے بیچ نے انسٹیٹیوٹ آف بزنس ایڈمنسٹریشن ( آئی بی اے) کراچی سے گریجوایشن مکمل کر لی جنہیں آئل اینڈ گیس ڈویلپمنٹ کمپنی لمیٹڈ ( او جی ڈی سی ایل) نے سپانسر کیا تھا۔یہ بیچ پندرہ طالبعلموں پر مشتمل تھا جنہیں بزنس ایڈمنسٹریشن، اکاﺅنٹنگ اینڈ فنانس، میتھامیٹکس، اکنامکس، کمپیوٹر سائنس میں ڈگریاں دی گئیں۔ایم ڈی ( سی ای او او جی ڈی سی ایل خالد سراج سبحانی اور ایگزیکٹو ڈائریکٹر سروسز اوجی ڈی سی ایل ضیاءصلاالدین نے گریجوایشن تقریب سے قبل طالبعلموں سے ملاقات کی اور انہیں سخت محنت اور آئی بی اے میں کامیابی پر مبارک باد دی۔ذرائع کے مطابق 2016 میں او جی ڈی سی ایل اور آئی بی اے کراچی نے او جی ڈی سی ایل ٹیلنٹ ہنٹ پروگرام کےلئے معاہدہ پر دستخط کئے تاکہ دیہی علاقوں سے تعلق رکھنے والے ضرورتمند اور پسماندہ طالبعلموں کو پڑھنے کا موقع دیا جاسکے۔ذرائع کے مطابق آئی بی اے کراچی کے کانووکیشن کی تقریب کے دوران سینکڑوں دیگر طلباءکےساتھ او جی ڈی سی ایل کے زیر اہتمام ٹیلنٹ ہنٹ پروگرام کے تحت گریجویشن کرنےوالے طلباءکو بھی ڈگریاں دی گئیں۔