راو لپنڈی (جنرل رپورٹر) چکلالہ کنٹونمنٹ کے علاقوں ٹاہلی موہری، ڈھیری حسن آباد، پرانی ٹاہلی موہری، تلسہ روڈ ، راجہ اکرم کالونی ، ڈھوک جمعہ ، ڈھوک جمعہ مبارک لین ڈھوک کلہور ، کھٹکھٹانا، لالہ زار کالونی، تلسہ گاﺅں سے ملحقہ علاقوں کے مکین گیس لوڈشیڈنگ سے مشکلات میں پھنس گئے ،اہلیان علاقہ کو کھانا پکانے اور دیگر ضروریات زندگی پورے کرنے میں شدید مشکلات کاسامنا کرنا پڑرہا ہے، ملک ماجد، ظہیراعوان،سید اسلام ہاشمی،راجہ محمد ملتان،جمشید بیگ،محمد کامران،محمد الیاس،محمد فاروق و دیگر نے بتایا کہ ان علاقوں میں کبھی گیس بند ہو جاتی اور کبھی پریشر اتنا کم ہو تا ہے کہ ضرورت کے مطابق کچھ بھی تیار نہیں ہوتا، صبح ، دن اور ارت کو کھانا پکانے میں اتنی مشکل ہے کہ کیا بتائیں، ہماری حکومت سے اپیل ہے کہ گیس کی بند ش اور پریشر کم کو مسئلہ حل کیا جائے۔