گوادر ایئر پورٹ کیلئے تین ماہ کا فلائٹ آپریشن شیڈول جاری

راولپنڈی (سٹاف رپورٹر)سول ایوی ایشن نے گوادر ایئر پورٹ کیلئے تین ماہ کا نیا فلائٹ آپریشن شیڈول جاری کردیا۔سی اے اے کے مطابق نیا فلائٹ شیڈول یکم دسمبر سے 28 فروری 2024 تک کیلئے ہے،گوادر ایئرپورٹ پر ہفتے میں تین روز فلائٹ آپریشن ہوگا، بدھ، جمعہ اور اتوار کو مختلف اوقات میں گوادر ایئرپورٹ پرفلائٹ آپریشن ہوگا، گوادر ایئرپورٹ پر نان شیڈول فلائٹس کو 24 گھنٹے قبل آگاہی دینا ہوگی، سی اے اے نے نوٹم جاری کرکے تمام ایرلائنز کو آگاہی دے دی۔