ٹائون شپ: شادی ہال لفٹ میں پھنس کر 5 سالہ بچہ جاں بحق‘ اہل خانہ کی توڑپھوڑ

لاہور (سٹاف رپورٹر) تھانہ ٹائون شپ کے علاقہ میں شادی ہال میں 5 سالہ بچہ لفٹ میں پھنس جانے پر دم توڑ گیا۔ امدادی ٹیموں نے لفٹ توڑ کر بچے کی نعش نکالی۔ اہل خانہ نے شادی ہال میں تھوڑپھوڑ کی اور مالکان فرار ہونے میں کامیاب ہو گئے۔ معلوم ہوا ہے ٹائون شپ کالج روڈ پر شادی ہال میں آنے والا 5 سالہ حذیفہ لفٹ میں پھنس گیا۔ اہل خانہ نے بہت کوشش کی‘ لیکن ننھے حذیفہ کو نہ نکالا جا سکا۔ اطلاع ملنے پر امدادی ٹیموں نے بہت کوششیں کیں تاہم لفٹ کو کھولا تو ننھا حذیفہ مردہ حالت میں پڑا تھا۔